Get real time updates directly on you device, subscribe now.
హ్యూమన్ రైట్స్ టుడే/సిద్దిపేట జిల్లా/అక్టోబర్ 07:
సిద్దిపేట జిల్లా జగదేవపూర్ మండలంలోని మునిగడప గ్రామంలోని ఓ వ్యవసాయ పొలం వద్ద కుప్పలుగా పడి ఉన్న కోతుల మృతదేహాలు కలకలం రేపుతున్నాయి.
ఎవరైనా చంపి ఇక్కడ వేశారా..? లేదా కలుషితమైన నీరు తాగి‌చనిపోయాయా? అనే అనుమానాలు వ్యక్తం అవుతున్నాయి.
శనివారం ఉదయం పొలం వద్దకు వెళ్లిన రైతులకు కోతుల మృతదేహాల కుప్ప కనిపించడంతో వెంటనే గ్రామ సర్పంచ్‌కు గ్రామస్తులకు సమాచారం అందించారు.
వెంటనే గ్రామస్తులు ఘటన స్థలానికి చేరుకొని కోతుల మృతదేహాలను ఇవి ఎవరో చంపి ఇక్కడ వేసిపోయారని అనుమానం వ్యక్తం చేశారు. స్థానికులు జగదేవపూర్ పోలీసులకు సమాచారం అందించడంతో పోలీసులు ఘటనా స్థలానికి చేరుకొని మృతి చెందిన కోతుల గుంపును పరిశీలించారు.
గ్రామస్తులు ఫిర్యాదు మేరకు పోలీసులు కేసు చేసుకుని దర్యాప్తు చేస్తున్నారు.