Get real time updates directly on you device, subscribe now.
తుపాకీ పేలి హెడ్ కానిస్టేబుల్ మృతి..
హ్యూమన్ రైట్స్ టుడే/హైదరాబాద్/ఆగస్టు 23:
నగరంలోని హుస్సేనీ ఆలం పోలీస్ స్టేషన్ పరిధిలో ప్రమాదవశాత్తు తుపాకీ మిస్ ఫైర్ అయింది. కబుతర్ఖాన ప్రాంతంలో రాత్రి విధులు ముగించుకుని నిద్రించే క్రమంలో హెడ్ కానిస్టేబుల్ భూపతి శ్రీకాంత్‌ చేతిలోని తుపాకీ తెల్లవారుజామున మిస్ ఫైర్ కావడంతో అతడు తీవ్రంగా గాయపడ్డాడు.
తీవ్ర గాయాలపాలైన హెడ్ కానిస్టేబుల్‌ను చికిత్స నిమిత్తం ఉస్మానియా ఆస్పత్రికి తరలించారు. అక్కడ చికిత్స పొందుతూ ఆయన మృతిచెందారు. అంతకుముందు ఘటనా స్థలాన్ని దక్షిణ మండలం డీసీపీ సాయి చైతన్య పరిశీలించారు.