Get real time updates directly on you device, subscribe now.
డీకే శివకుమార్ కు ఊహించని బర్త్ డే గిఫ్ట్ ఇస్తున్న కాంగ్రెస్ హైకమాండ్, అంతే !
హ్యూమన్ రైట్స్ టుడే/బెంగుళూరు/న్యూఢిల్లీ: కర్ణాటక అసెంబ్లీ ఎన్నికల్లో సంపూర్ణ మెజారిటీ సొంతం చేసుకున్న కాంగ్రెస్ పార్టీ ఆ రాష్ట్రంలో ప్రభుత్వం ఏర్పాటు చెయ్యడానికి రంగం సిద్దం చేసుకుంది.
కర్ణాటకలో కాంగ్రెస్ పార్టీ అధికారంలోకి రావడానికి ముఖ్యకారణం అయిన కేపీసీసీ అధ్యక్షుడు డీకే శివకుమార్ బర్త్ డేకి కాంగ్రెస్ పార్టీ మంచి ఊహించని గిఫ్ట్ ఇస్తుందని, అందుకే ఆ రోజు ప్రభుత్వం ఏర్పాటు చెయ్యడానికి ప్లాన్ చేసిందని తెలిసింది.
కేపీసీసీ అధ్యక్షుడు డీకే. శివకుమార్ పేరు ఇప్పుడు దేశ వ్యాప్తంగా మారుమోగిపోతున్నది. కాంగ్రెస్ పార్టీ నాయకులతో పాటు బీజేపీ నాయకులను కలవరపెట్టిన ఒకేఒక్క పేరు డీకే. శివకుమార్. అక్రమాస్తుల కేసులో డీకే శివకుమార్ ను ఈడీ అధికారులు, సీబీఐ అధికారులు అనేకసార్లు విచారణ చేశారు. తరువాత డీకే శివకుమార్ ను అరెస్టు చేసి జైల్లో పెట్టారు.
మూడు పార్టీలతో ఫుట్ బాల్ ఆడుకున్న గాలి జనార్దన్ రెడ్డి, ఎమ్మెల్యే !
తన మీద బీజేపీ నాయకులు పగ తీర్చుకుంటున్నారని డీకే శివకుమార్ అనేకసార్లు ఆరోపించారు. కర్ణాటకలో రాహుల్ గాంధీ జూడో యాత్ర కొనసాగుతున్న సమయంలో కూడా డీకే శివకుమార్ ఢిల్లీ వెళ్లి ఈడీ అధికారుల విచారణ ఎదుర్కొన్నారు. తనను ఎంత మంది బెదిరించినా, మరోసారి జైల్లో పెట్టినా తాను మాత్రం బీజేపీ నాయకులకు లొంగను అని ఆ రోజే డీకే. శివకుమార్ బహిరంగంగా మీడియా ముందే చెప్పారు.
కాంగ్రెస్ పార్టీలో డీకే శివకుమార్ కు ట్రబుల్ షూటర్ అనే పేరు ఉంది కేపీసీసీ అధ్యక్షుడిగా డీకే శివకుమార్ కర్ణాటకలో కాంగ్రెస్ పార్టీని అధికారంలోకి తీసుకురావడానికి శక్తి వంచనలేకుండా పని చేశారు. అసలు నిజంగా చెప్పాలంటే డీకే. శివకుమార్ లేకుంటే కర్ణాటకలో కాంగ్రెస్ పార్టీకి ఇన్ని సీట్లు వచ్చి ఉండేవి కాదని ఇతర పార్టీల నేతలు అంటున్నారు.
*గుజరాత్ ప్రయోగాలు చేస్తే గుండు కొట్టి పంపించిన కన్నడిగులు*,
*మే 15వ తేదీ డీకే శివకుమార్ పుట్టిన రోజు. 61 ఏళ్ల వయసు ఉన్న డీకే శివకుమార్ మే 15వ తేదీన 62 వయసులోకి అడుగు పెడుతున్నారు*. అదే రోజు కర్ణాటకలో కాంగ్రెస్ ప్రభుత్వం ఏర్పాటు చెయ్యడానికి ముహూర్తం ఫిక్స్ అయ్యింది. ఆదివారం సాయంత్రం బెంగళూరులో సీఎల్ పీ సమావేశం నిర్వహించడానికి రంగం సిద్దం చేశారు.
ఇంత వరకు కర్ణాటకకు కాబోయే ముఖ్యమంత్రి ఎవరు అని కాంగ్రెస్ పార్టీ హైకమాండ్ ప్రకటించలేదు. ఒకవేళ కష్టకాలంలో ఆదుకున్న డీకే శివకుమార్ ను సీఎం చేసి రుణం తీర్చుకోవాని కాంగ్రెస్ పార్టీ హైకమాండ్ సిద్దం అవుతుందా ?, లేదా ఎప్పటిలాగే సిద్దాంతాలు మరిచిపోయి వేరే వ్యక్తిని పేరు సీఎం రేసులో తెరమీదకు తెస్తుందా ? అనే విషయం వేచి చూడాలి. మొత్తం మీద కాంగ్రెస్ పార్టీ హైకమాండ్ నుంచి మంచి బర్త్ డే గిఫ్ట్ కోసం కేపీసీసీ అధ్యక్షుడు డీకే శివకుమార్ కూడా వేచి చూస్తున్నారని తెలిసింది.