Get real time updates directly on you device, subscribe now.
మహిళా ప్రయాణికులకు టీఎస్ఆర్టీసీ శుభవార్త
హ్యూమన్ రైట్స్ టుడే/హైదరాబాద్/ఆగస్టు 18:
మహిళా ప్రయాణికులకు టీఎస్ఆర్టీసీ శుభవార్త అందించింది. కోఠి-కొండాపూర్ మార్గంలో లేడీస్ స్పెషల్ బస్సును టీఎస్ఆర్టీసీ ఏర్పాటు చేసింది. 127K నంబర్ గల ఈ ప్రత్యేక బస్సు ఈ నెల 21 సోమవారం నుంచి ప్రారంభం కానుంది.
ప్రతి రోజు ఉదయం 8.50 గంటలకు కోఠి నుంచి బయలుదేరుతుంది.
లక్డీకాపూల్, మసబ్ ట్యాంక్, ఎమ్మెల్యే కాలనీ, ఉషా కిరణ్, గుట్టల బేగంపేట, శిల్పారామం, కొత్తగూడ ఎక్స్ రోడ్స్ మీదుగా కొండాపూర్‌కు వెళ్తుంది. తిరిగి సాయంత్రం 5:45 గంటలకు కొండాపూర్ నుంచి అదే మార్గంలో కోఠికి వస్తుంది. మహిళా ప్రయాణికులు ఈ సదుపాయాన్ని వినియోగించుకుని క్షేమంగా, సురక్షితంగా గమ్యస్థానాలకు చేరుకోవాలని టీఎస్ఆర్టీసీ తెలిపింది.